გარემოს დაცვითი პასუხისმგებლობის დირექტივის სტრუქტურის დანერგვა საქართველოში
2018-12-27
პროექტი დაფინანსებულია ნორვეგიის სამეფოს საგარეო საქმეთა სამინისტროს მიერ. პროექტის განმახორციელებელია ნორვეგიული კომპანია ICH (International Centre for Hydropower), წამყვანი საერთაშორისო კონსულტანტია Enviro-DEV, ნორვეგია; წამყვანი ადგილობრივი კონსულტანტი - შპს ენვისო, საქართველო.
შესაძლებლობის გაძლიერების სემინარი #1-ის მონაწილეები იყვნენ გარემოსდაცვის ზედამხედველობის დეპარტამენტის წარმომადგენლები.
სემინარი ჩატარდა 2018 წლის 10-14 დეკემბერს და მოიცავდა შემდეგ საკითხებს: გარემოსდაცვითი პასუხისმგებლობის დირექტივის სტრუქტურის დანერგვა საქართველოში, პრაქტიკული დისკუსიები და კითხვები ევროკავშირთან საკანონმდებლო ჰარმონიზაციის ფარგლებში მიმდინარე პროცესებთან დაკავშირებით; ტრენინგი ასევე ითვალისწინებდა გარკვეულ პრაქტიკულ სამუშაოს მონიტორინგთან, შეფასებასთან და შემოწმებასთან დაკავშირებით ინსპექტირების დროს. სემინარი დასრულდა საველე გასვლით ჟინვალჰესზე, სადაც სიმულაციური ინსპექტირება ჩატარდა. სემინარის დასრულების შემდეგ მონაწილეებს გადაეცათ სერტიფიკატები.
